Generalverammeln an 15.01.2017

24.01.2017 16:47

So, nu is dat sowiet, nee Kräfte sind sammelt un nu schall dat nee Johr ok losgahn. An 15. Januar harrn wi use Generalversammeln un üm Klock söss güng dat in Kasch los. 28 Maatens harrn sick infunnen, mittenmang all use Speelers vun 2016. De Vörsitter, Tim Beinker hett sien Bericht verleesen un harr gode Neeigkeiten to vertellen. So hett de Speeldäl wedder een poor nee Maatens, dat gifft ok wedder mehr Tokiekers un de Aktionen in dat letzte Johr sünd ok goht annahmen worden. Dor weer to´n Bispeel de Fohrt mit de Museumsiesenbahn in Bruchhusen-Vilsen mit den Besöök in Syker Kreismuseum un denn de Jubiläumsfier to´n 70 jährigen Bestahn vun use Böhn. Ok use Deelnahme an dat Kinderstadtfest in Achim weer ganz positiv. Nah den Bericht vun use tweete Vörsitterin Adda Weber weer se vun den Vörsitter hartlich bedankt in de tweete Reeg verabschied worden, denn nah de veelen Johrn in Vörstand un op un achter de Böhne harr se sik dat würklich verdeent. Nah den Bericht vun de Kassenprüfers, de usen Kassenbaas wedder een sehr godes Tüchnis utstellt hebbt, weer de ganzen Vöstand eenstimmig entlastet worden. Bi de Wahlen achteran sünd düsse Lüe wählt worden: 1. Vörsitter un Pressewart: Tim Beinker, 2. Vörsitterin: Stefanie Beinker, Kassenbaas: Uwe Meyer, Schriftführerin: Brigitte Ulrich, Böhnenobman: Herbert Görke, Kassenprüferin: Brigitte Diddens un as wunnerbare Neeigkeit: Günther Kothe as nee Speelleiter. Günther is al bekannt in de Speeldäl, he hett fakener mal mitspeelt, wenn he nich in Daverden op de Freelichtböhne stahn hett. Wi freiht us bannig, dat he bi us toseggt hett un heet em hartlich willkommen. So, denn geev dat noch dütt un dat, aber dat vertellt wi an annere Stelle noch. Wi freiht us nu op dat nee Johr, blievt se gesund un hollt se sik fuchtig!

De nee´Vörstand:

v.l.n.r. Tim Beinker, Brigitte Ulrich, Günther Kothe, Uwe Meyer, Herbert Görke und Stefanie Beinker